Il museum historic cun exposiziuns d'art
Il Museum Sursilvan Cuort Ligia Grischa a Trun ei in dils pli bials edifecis historics en Surselva. El ei vegnius erigius da 1674-1679 dalla claustra da Mustér ed ha surviu sco casa cumin dalla Ligia Grischa. La sala dil causligia, era numnada sala d’uoppens, fuorma il cor dalla casa.
Oz gioga igl art en la Cuort Ligia Grischa ina impurtonta rolla ed ei la raschun che bia amaturas ed amaturs digl art visetan il museum. Exposiziuns permanentas d’ovras originalas ein dedicadas als enconuschents artists daTrun: Alois Carigiet, Matias Spescha, Gieri Schmed e sora Gelia Degonda (da Cumpadials).
Actual
Informaziuns davart la sanaziun dalla fatschada anfleis cheu
Reavertura ils 8 d'avrel 2023 cun in'exposiziun extraordinaria da Gieri Schmed
Experimentar
Guidas tras il museum, l'exposiziun actuala, la valischa d'art, excursiuns tier la Senda d'art e la sculptura transibla OGNA.
Ils artists
Il Museum Sursilvan presenta ovras originalas dils enconuschents artists da Trun: Alois Carigiet, Matias Spescha, Gieri Schmed e sora Gelia Degonda.
Daventar commember
Il museum vegn sutsenius finanzialmein dil cantun Grischun, dalla Regiun Surselva e da Trun. Sco commember dall'Uniun da fauturs saveis vus gidar da mantener e promover la lavur artistica dalla regiun.