Sanaziun dalla fatschada
Cun nova tarlischur el giubileum da 2024
Cuort Ligia Grischa - da muntada naziunala
La casa marcanta patriziana Cuort Ligia Grischa caracterisescha gia dapi tschentaners il maletg dil vitg da Trun. La davosa restauraziun ei passa trenta onns anavos ed aschia eis ei buca da surveser che la fatschada basegna in refrestgament. La cuort ei part digl inventari federal dils loghens svizzers d'impurtonza naziunala. La substanza architectonica preziusa duei vegnir mantenida per la posteritad e gl'edifezi duei splendurar gl'onn da giubileum 2024 "600 onns Ligia Grischa" en nova tarlischur. Ils cuosts per la restauraziun pon buca vegnir finanziai cumpleinamein ord atgna forza, aschia che nus essan dependents da Vossas donaziuns.
Il concept da project detagliau saveis cargar giu cheu sco PDF
Restauraziun
Il manteniment dalla cumparsa actuala stat el center dalla restauraziun. Cun intervenziuns punctualas en ils secturs donnegiai vegn la substanza architectonica historica francada ed entginas mendas esteticas eliminadas. La ligiadura dalla fatschada, las finiastras ed ils barcuns, ramas da finiastras e portas, sco era l'ura da sulegl cun lur pictura murala ein ils puncts principals dalla restauraziun.
| Expensas | Entradas | |
| Cuosts | CHF 390'000 | |
| Agens mieds | CHF 25'000 | |
| Contribuziuns | CHF 255'000 | |
| Mieds restonts | CHF 110'000 |
Ils barcuns - in toc museum per vus
Haveis era Vus plascher da separticipar vid il manteniment dalla cuort? Cun ina contribuziun da 500 francs saveis Vus acquistar simbolicamein in barcun dil baghetg e seschar perpetnisar cun ina plachetta vid quel - ina offerta unica! Per plascher empleni ora il formular cheusut. Nus engraziein per Vossa solidaritad.