Trun ed igl art
Trun ei il center digl art sursilvan cun irradiaziun surregiunala. Entschiet ha ei cun Alois Carigiet, ch’ha surpriu la rolla da mentur, surtut suenter siu retuorn a Trun 1960. El ha animau Matias Spescha e Gieri Schmed da sefatschentar seriusamein cun la pictura e d’encurir l’atgna via d’artist. Ulteriurs han suandau quei exempel.
Denton s’occupeschan varga in tozzel persunas da Trun intensivamein cun art ed artisanadi.
Alois Carigiet
1902-1985
El ei vengius enconuschents oravontut pervia dil cudisch d’affons “Uorsin”, ei denton era sededicaus alla grafica ed alla pictura.
Matias Spescha
1925-2008
Spescha ha consolidau siu num internaziunal cun siu art abstract en numerusas exposiziuns, ovras publicas e grondas plasticas.
Gieri Schmed
1943-2019
El sefatschenta da maniera seriusa e clara cun siu art. Tenor sia vusch interna emprova el da concentrar e da reducir.
Sora Gielia Degonda
*1937
Ella ha creau en siu atelier en la claustra dad Ingenbol duront ils davos decennis ina ovra artistica impressiunonta.