Guida tras il museum
La guida tras il museum cuoza 60 minutas.
Informaziun ed annunzia:
Telefon 081 943 25 83
ni museum@trun.ch
Cuosts CHF 90.- plus entrada CHF 10.- per persuna.
Nozzas civilas
Entginas localitads porschan ina culissa ideala per nozzas civilas, aperos, sentupadas da classa, sedutas ed autras occurenzas. Nus selegrein da Vossa damonda.
Sala da dertgira, stanza da sesida e curtin sin damonda.
Informaziun
Telefon 081 943 25 83
ni museum@trun.ch
» Download formular d'annunzia per las localitads per nozzas civilas
Curtin
En nies curtin haveis Vus la pusseivladad din mument da recreaziun ed astgeis guder in bien sitg.
Luvratori
Classas da scola han la pusseivladad da visitar tier nus in luvratori. Ils affons emprendan d'enconuscher la veta dils artists indigens e sin moda precauta vegnan els menai tier lur ovras.
In luvratori cuozza denter 1 1/2 e 2 uras e cuosta CHF 90.- tier ina classa da tochen 15 scolarAs.
Alois Carigiet - In mied d'instrucziun per la 4. tochen 6. classa
Nova publicaziun a caschun dallas exposiziuns dad Alois Carigiet el Museum Sursilvan Cuort Ligia Grischa Trun.
Il Museum Sursilvan Cuort Ligia Grischa ha digl onn 2020 entochen 2022 mussau duas exposiziuns cun ovras dad Alois Carigiet ed il Cabinet Carigiet. En connex cun quellas exposziuns ei cumparius in mied d’instrucziun tier igl artist indigen.
Il mied d’instrucziun porscha bia material illustrativ, datotecas da tun e film sco era instrucziuns pigl art figurativ. El commentari per las persunas d’instrucziun vegnan las singulas lecziuns entruidadas detagliadamein. Quel cuntegn era informaziuns, explicaziuns, incumbensas, lincs nizeivels ed ideas cuntinuontas. Suenter suonda il material illustrativ (I) ed il material illustrativ digital (D) per visualisar las ovras dad Alois Carigiet sco era ils models da copiar (M) cun las incumbensas per las scolaras ed ils scolars.
Informaziuns (PDF) ni survesta dil cuntegn (PFD).
Il mied d’instrucziun ei cumparius en lungatg tudestg e romontsch sursilvan e sa vegnir retratgs per CHF 90.- tier nus museum@trun.ch.
TiM - Tandem el museum
Nus essan in museum da TiM e fagein beinvegni a tuts TiM -tandems. Dapli informaziuns anfleis sin quei link TiM-TaM.
Senda d'art spel Rein
La Senda d’art a Trun ei vegnida aviarta igl onn 2007 ed ei ina amplificaziun dalla collecziun d’art el museum. Sin ina lunghezia da 1.5 km expona in tschuppel exposituras ed expositurs dalla regiun mo era da pliras parts dalla Svizra figuras, sculpturas e plasticas.
Spazi Spescha
L’exposiziun dubla seconcentrescha sil tema spazi e sia percepziun. Installaziuns dil spazi da Matias Spescha (1925 – 2008), ovras dils onns 1970 e l’entschatta dils onns 1980, s'entaupan cun novas creaziuns ed ovras dad Esther Mathis (*1985) che reageschan sin la spaziusa e clara localitad dil SPAZI SPESCHA.
In bigliet cumbinau per quella exposiziun ed il museum cuosta frs. 17.-.
Dapli informaziuns sin quei link: Spazi Spescha
OGNA – la sculptura transibla da Matias Spescha
Igl enconuschent artist Matias Spescha relai cun OGNA in'ovra unica ed attractiva cun gronda radiaziun. Las preits egl intern dalla sculptura ein ornai cun maletgs digl artist che cuvieran grondas parts dalla surfatscha, gest sco quei ch'el haveva previu en siu model. En paucs loghens da quei spazi ein plasticas digl artist plazzadas.
Tenor siu giavisch eis ella accessibla alla publicitad da tut il temps e duront igl entir onn ora.
Infos sut www.ogna.ch
Valischa d'art Matias Spescha
Per scolas, famiglias cun affons e intressai stat la valischa didactica a disposiziun duront ch’il museum ei aviarts. Ella cuntegn igl alfabet poetic, fuormas tipicas ord ils maletgs digl artist sco era ulteriur material da seprofundar egl art da Matias Spescha.
Il diever dalla valischa duront il temps d’avertura dil museum ei gratuits. Duas broschuras san vegnir cumpradas el shop dil museum per mintgamai CHF 5.-.
Gruppas e classas san era visitar il museum ordeifer il temps d'avertura, tel. 081 943 25 83.
mira!cultura guidas els vitgs
Ils vitgs dalla Surselva e dil marcau da Glion han ina historia interessanta che tonscha tochen lunsch anavos el temps medieval. Aunc oz anflan ins denter ils baghetgs e l’infrastructura moderna fastitgs da quei temps. Bia da quei ei misterius e leventa las marveglias d'entelgir dapli sur da la patria ed il liug da vacanzas. In versau team da guids culturals arvan a hosps ed indigens ina finiastra el vargau ed illustreschan il mintgadi actual.
Informaziuns anfleis sin suandont link.