Susteni il museum
Il Museum Sursilvan ei in purtader activ da cultura per l’entira Surselva, el porscha envesta en la historia e muossa ad ina vasta publicitad las ovras dils artists da Trun e dalla regiun.
Senza las contribuziuns da singuls savess il museum buca ademplir quella impurtonta incumbensa sco motor da cultura. Nus envidein vus da sustener la Cuort Ligia Grischa. Cun vossa contribuziun annuala da commember all'uniun da fauturs Cuort Ligia Grischa presteis vus in beinvegniu sustegn. Vus haveis entrada libra el museum. Vus vegnis envidai alla radunonza annuala ed haveis alura ina buna pusseivladadad da s‘entupar e sediscussiunar cun glieud da medema opiniun.
Guid d'art
Il Museum Sursilvan Cuort Ligia Grischa less publicar in guid d’art per far attents all’entira populaziun la valeta e muntada da quei bellezia baghetg historic. Quella publicaziun cuntegn l’historia dalla casa e sia muntada per la Ligia Grischa da lezzas uras. Tiel territori dalla Ligia Grischa sudevan vitgs ed uclauns els quals ins tschintschava romontsch, tudestg ni talian. Perquei lein nus risguardar la trilinguitad e sche finanzialmein pusseivel publicar il guid d’art en treis lungatgs.
Sanaziun dalla fatschada
Sanaziun dalla fatschadaLa davosa restauraziun ei passa trenta onns anavos ed aschia eis ei buca da surveser che la fatschada basegna in refrestgament.
Dapli informaziuns anfleis sut quei link.
Uniun da fauturs Cuort Ligia Grischa
Il Museum Sursilvan Cuort Ligia Grischa vegn sustenius finazialmein dil Cantun Grischun, dalla Regiun Surselva, dalla vischnaunca da Trun, da Trun Turissem e dall’Uniun da fauturs. Quei sustegn ei indispensabels pil menaschi dil museum, pertgei il recav ord las entradas tonscha buc per garantir il manteniment dalla gronda casa ed dil contuorn.
L’Uniun da fauturs ei vegnida fundada igl onn 2003 cul scopo da promover en la populaziun las valetas culturalas e da sustener il Museum Sursilvan Cuort Ligia Grischa entras contribuziuns da commembers e donaziuns. Las contribuziuns finanzialas vegnan impundidas pil manteniment digl edifeci historic, per promover e far enconuschent l’instituziun e per realisar exposiziuns ed events.
Contribuziun da commembers
Commembers singuls CHF 50.-
Famiglias/ Conjugals CHF 75.-
Fatschentas/ Vischnauncas CHF 100.-
Banca
IBAN CH76 8080 8001 8607 3955 1
Raiffeisenbank Disentis/Mustér, Konto Nr. 70-1479-0